نیپال میں موسمِ بہار کو کوہ پیمائی کے عروج کا موسم کہا جاتا ہے مگر دنیا کی سب سے بلند چوٹی ماؤنٹ ایورسٹ سر کرنے کے خواہشمند افراد کو اس مرتبہ ایک نئی مشکل کا سامنا ہے۔
ایورسٹ کے بیس کیمپ کے قریب ایک گلیشیئر کا ایک بڑا اور غیر مستحکم حصہ پہاڑ کی جانب جانے والے راستے کو مسدود کیے ہوئے ہے۔
’آئس فال ڈاکٹرز‘، جو دنیا کی بلند ترین چوٹی تک جانے والے راستے کے نچلے حصے میں رسّیاں اور سیڑھیاں نصب کرتے ہیں، کیمپ ون سے ذرا نیچے تقریباً 100 فٹ بلند برف کے اس حصے کے گرد کوئی راستہ نہیں ڈھونڈ پا رہے۔
